إنَّهُ عَلِيمٌ بِذَاتِ الصُّدُورِ

دايما بتستوقفني آية :-

"إنَّهُ عَلِيمٌ بِذَاتِ الصُّدُورِ" ..💚

ودايما بسأل ليه ما كانتش "عليم بالصدور" علي طول ؟!
ايه فايدة كلمة "ذات" ؟!
أو ليه مش "عليم بما في الصدور" ؟!

"ذات" معناها "صاحبة" أو "مالكة" ..
الحاجات اللي جوا القلب .. بتملكه ..!
وعلي حسب هي ايه .. بيكون حاله ..

لو انت فرحان مثلا .. الفرحة هي اللي مالكة لقلبك مش قلبك هو اللي مالكها ..
فـ بتفرض سيطرتها عليك .. وبتبان علي ملامحك غصب عنك ..😌
فـ كده نقول "ربنا عالم بذات قلبك" يعني بالفرحة اللي مالكة قلبك ..💚

فيه لمبة نورت والله في دماغي اول ما فهمت المعني ده 😂

"من ذاق عرف ..
ومن عرف .. ود أن يغترف .. "

 

قرار ان شاء الله : مش هحفظ قرآن كده وخلاص .. لازم أحاول أفهم كل حرف ..✋

يارب .. قربنا ليك .. بـ فهمنا لكلامك ..💚

_صفَاء : )