اللحظة الفاصلة

اللحظة اللي تعرف فيها تحكم عقلك وتتحكم في انفعالاتك و ردود أفعالك 

هي اللحظة الفاصلة ..👌

اللحظة اللي عقلك يقدر يستوعب فيها قبل ما لسانك يبدأ في الكلام ..

يستوعب ان الشخص اللي قدامك في المجمل "كويس" 

بس بالنسبة للموقف الحالي (بس) هو فعلا غلطان .. غلطان جداا ..
وغالبا بيبقي غلطه ده نتيجة اعتقاد راسخ جواه مسيطر علي تصرفاته ومفكر نفسه انه هو اللي صح !
فعلا يستحق انك تزعل عليه أكتر ما تزعل منه !!

بطّلوا تحكموا أحكام مُطلقة !!

انا كـ صفاء بعتذر لأي حد حكمت عليه انه سئ في المطلق ..!
و بعتذر لـ نفسي لما قولت علي حد انه كويس في المطلق !!

كله كلام نسبي جداا .. كلها مواقف مؤقتة !!

كلها مبادئ مرهونة بالموقف اللي بيحتاجها و بس!
و ممكن في لحظة تختفي في موقف تاني مع إنه نفس الشخص ..!

المهم بس اني اقدر أمسك أعصابي .. و أسكت ..!

بعتذر للكل علي كمية المواقف اللي كنت فيها عصبية جدا !! و زعلت ناس كتير مني من غير قصد ..

وبالمناسبة ..
متقولش لو كنت مكان فلان كنت اتصرفت أحسن من كده !
احمد ربنا انك متتحطش مكانه واسكت ..

_صفَاء : )