القلب الأخضراني

الناس اللي مش فاهمة معني "القلب الأخضر" .. 💚
و مستغربين ليه أنا بحبه كده ..!
وليه دايما بحطه في أي بوست بكتبه ..

القلب الأخضر .. يعني قلب لسه علي الفطرة النقية اللي ربنا خلقه عليها .. 💚☺

حاجة شبه قلوب الأطفال .. مفيهوش ذرة نفاق ..!
شبه الفاكهة وهي لسه خضرا ..!

بيقدر يحافظ علي المشاعر اللي بتدخله .. شبه الأرض الخضرا اللي بتقدر تهتم بالبذور اللي بتتزرع فيها ..💚🌱

هشام الجخ وهو بيقول في قصيدة "إيزيس" وهو بيشتكي حاله :-
"واشمعني سابوا الناس بـ قُلوب خَـضَـار 💚 و عَـمَـار ؟! وفي قلبي نزلوا سلب ؟! "

القلب الأخضر دايما عامر بالمشاعر الطيبة ..☺

و محمود درويش في قصيدة "تكبر .. تكبر" لما قال وهو بيمدح في اللي بيحبه :-
"نسيمُك عنبَر و أرضُك سُكّر .. و قلبُك أخْضَر آآه أخْضَر ..💚"

و في أغنية التتر بتاع مسلسل "ذئاب الجبل" .. علي الحجار بيقول و هو بيستعطف الزمن :-
"يا زمان حنون و قاسي أنا مين ما تشوفني تاني !
الواد أبو ضحكة تطلع من القلب الأخضراني ..💚"

يمكن مشاكله كلها إنه أسرع القلوب في التعلق ..!
و أكتر قلب بيتأثر بالخذلان ..!😩

زي ما "رضوي عاشور" قالت في رواية "ثلاثية غرناطة :-
"جعل الله له قلبا أخضر ..
يتمايل كالغصن مع النسمات العابرة .. 🌷🍃"

كلنا اتولدنا قلوبنا خضرا و نقية ..
بس مش كلنا للأسف قدرنا نخافظ عليها ..😞

يارب اجعل قلوبنا خضرا ..

 _صفَاء : )